Salah satu upaya untuk melestarikan nilai-nilai adat istiadat dan kebudayaan Minangkabau di tengah-tengah kehidupan masyarakat modern sekarang ini adalah dengan cara membina dan mempelajari kembali nilai-nilai budaya dan adat istiadat tersebut untuk di wariskan kepada anak kemenakan seperti kata pepatah :
Ramo-ramo si kumbang janti
Katik endah pulang bakudo
Patah tumbuah hilang baganti
Pusako lamo baitu juo
Pusako jawek ba jawek
Sako turun temurun
Dari niniak turun ke mamak
Dari mamak turun ke kemenakan
Peran niniak mamak tidak hanya sekedar mengurusi masalah anak kemenakan yang timbul dalam kaum saja, tetapi kita harapkan fungsi seorang niniak mamak adalah :
Manuruik alua jo patuik
Manampuah jalan nan pasa
Alua luruih barih tarantang
Jalan pasa labuahnyo golong
Indak manyimpang kiri kanan
Luruih marantang barih adat
Penghulu lantai nagari
Malantai anak jo kamanakan
Malantai rumah jo tanggo
Malantai korong jo kampuang
Malantai labuah jo tapian
Malantai balai jo musajik
Malantai sawah jo ladang
Jikok malantai sabalun lapuak
Maminteh sabalun hanyuih
Inilah sebetulnya peran dan fungsi seorang niniak mamak menurut adat Minangkabau. Apabila hal tersebut benar-benar dilaksanakan dengan baik diharapkan akan tercipta kembali fungsi niniak mamak di dalam masyarakat dimana dalam menjalankan tugas dan kewajibannya selalu berlandaskan pada azas musyawarah dan mufakat untuk mencapai kebaikan, sehingga akan tercapai apa yang di cita-citakan yaitu :
Bumi sanang padi manjadi
Padi manguniang jaguang paupiah
Taranak bakambang biak
Anak kamanakan sanang sentosa
Di samping itu fungsi seorang penghulu di Minangkabau adalah sebagai berikut :
Kapai tampek batanyo
Kapulang tampek babarito
Kok kusuik nan kamanyalasaikan
Karuah nan kamanjaniahkan
Hukum adia bakato bana
Sayak landai aianyo janiah
Kamanakan barajo ka mamak
Mamak barajo ka penghulu
Penghulu barajo ka mufakat
Mufakat barajo ka nan bana
Bana badiri sendirinyo
Manuruik alua nan jo patuik
Pancaringek jo batang kapeh
Tumbuah sarumpun jo batang dadok
Duri nan tumbuah tiok tangkai
Tampuo basarang pado baniah
Ingek-ingek nan diateh
Kawan di bawah katahimpok
Titiak kok datang dari lantai
Galodo kok datang dari hilia
Ingek sabalun kanai
Malantai sabalun lapuak
Maminteh sabalun hanyuik
Oleh karena itu adat Minangkabau yang sudah semenjak lama menjadi pedoman hidup bagi masyarakat yang telah dihayati dan diamalkan secara baik akan terus menjadi aturan yang sifatnya :
Warih nan bajawek
Pusako nan batolong
Nan tak lakang dek paneh
Nan tak lapuak dek hujan
Adat basandi syarak
Syarak basandi kitabullah
Syarak mangato adat mamakai
Syarak balinduang adat bapaneh
Siancak mati tarambau
Kaladang mambao ladiang
Lukolah pao kaduonyo
Adat jo syarak di Mingangkabau
Umpamo aua nan jo tabiang
Sanda manyanda kaduonyo
Gantang di bodi caniango
Cupak di koto rang piliang
Adat mamakai syarak mangato
Wujuik satu balain jalan
Tasidorong jajak manurun
Tatukiak jajak mandaki
Adat jo syarak kok tasusun
Bumi sanang padi manjadi
Adat jo syarak kok bacarai
Tampek bagantuang nan lah putuih
Bakeh bapijak nan lah taban
Di samping itu seorang penghulu harus berani dan berpendirian yang teguh dalam menjalankan tugas serta kewajiban, dan selalu membela kebenaran dan keadilan, untuk itu adat Minagkabau mengatakan :
Payokumbuah baladang kunyik
Dibao urang ka kuantan
Tak namuah kuniang dek kunyik
Tak namuah lamak dek santan
Satapak tak manuah lalu
Salangkah tak kunjuang suruik
Indak di pandang jauah jo ampia
Nan bana tagakkan juo
Tibo di mato indak dipiciangkan
Tibo di dado indak dibusuangkan
Tibo di paruik indak dikampihkan
Kato bana dipegang taguah
Tahan lukah dalam banda
Kok di tahan jan dianjak
Kato bana jan di rubah
Kok di rubah jan diasak
Diasak badan binaso
Ka ateh indak bapucuak
Ka bawah indak baurek
Di tangah-tangah di giriak kumbang
Kok di asak kato nan bana
Bak karakok tumbuah di batu
Hiduik anggak mati tak namuah
Kanai kutuak kalamullah
Berbicara tentang adat Minangkabau sebagai salah satu dari corak kebudayaan Nasional, kita tidak dapat melepaskan diri dari mengenal secara baik tentang petatah petitih yang ada khususnya dalam adat Minangkabau. Petatah petitih tersebut adalah himpunan dari segala kaidah adat yang dijadikan sebagai aturan hidup dalam bermasyarakat.
Menghayati dan mengamalkan secara baik adat istiadat tersebut akan menumbuhkan dan mewujudkan terciptanya saling pengertian serta hormat-menghormati, harga-menghargai yang kesemuanya itu merupakan modal utama dalam membangun masyarakat yang beradab.
Dalam petatah petitih adat, khusunya yang dinamakan dengan ”Kato Pusako” mengandung pengertian yang tidak langsung atau mengandung suatu kiasan, sehingga kalau kita hanya menanggapi apa yang tersurat saja akan menimbulkan pengertian yang salah.
Kembangkan sifat tolong menolong, bantu membantu, ingat mengingatkan seperti kata pepatah :
Kok sampik lapang malapangi
Senteng bilai mambilai
Kurang tukuak manukuak
Lupa ingek maingekkan
Kok gadang jan malendo
Kok panjang jan mahalangi
Laweh jan manyaok
Cadiak jan manjua kawan
Nan lamah jan di himpik
Ingek katiko di ateh
Kawan di bawah katahimpok
Rarak kalikih dek binalu
Tumbuah sarumpun di pamatang tabek
Kok habih raso jo malu
Bak sapu lungga pangabek
Anak urang kampuang hilalang
Nak lalu kapakan baso
Kalau malu jo sopan alah hilang
Habih sudah raso jo pareso
Kuek rumah karano sandi
Sandi rusak rumah binaso
Kuek bangso karano budi
Budi rusak hancualah bangso
Bakarih sikati muno
Patah lai basimpan balun
Rarak sabuah jadi tuah
Jikok di bukak pusako lamo
Di bangkik tareh nan tarandam
Alah banyak ragi nan barubah
Bulek ruponyo daun nipah
Buleknyo nyato bapasagi
Di caliak lipeh tak barubah
Alah di bukak tabuak tiok ragi
Oleh karena itu tidak ada jalan lain untuk mengembalikan kewibawaan seorang penghulu di tengah-tengah anak kemenakan dan di tengah-tengah masyarakat selain berusaha kembali untuk melaksanakan tugas dan kewajiban kepenghuluannya sesuai dengan ketentuan yang telah digariskan oleh adat Minangkabau, di samping melengkapi diri dengan ilmu pengetahuan.
Gulamo mudiak kahulu
Mati di tikam buruang balam
Kanailah anak bada balang
Pusako niniak mamak nan dahulu
Lai babuhua bakanakan
Kini manjadi undang-undang
Adat di Minangkabau memakai 2 (dua) kelarasan yaitu kelarasan Bodi Caniago dan kelarasan Koto Piliang.
1. Kelarasan Bodi Caniago Memakai Sistem :
Putuih rundiang di sakato
Cancangnyo rundiang di sapakati
Latakkan sesuatu di tampaiknyo
Di makan alua nan jo patuik
Di dalam cupak nan jo gantang
Di kanduang adat jo limbago
Tuah sakato jo sapakat
Cilako dek basilang
Gantang di bodi caniago
Adat mamakai syarak mangato
Wujuik satu balain jalan
2. Kelarasan Koto Piliang Memakai Sistem :
Bajanjang naiak batanggo turun
Ibarat tangan suok jo tangan kida
Bacarai-carai indak bapisah
Bapisah tak baragiah
Ibarat kuku nan jo dagiang
Samo mamegang kato pusako
Dalam koto piliang
Cupak panuah gantang babubuang
Cupak indak buliah di labiahi
Gantang indak buliah di kurangi
Barih indak buliah di lampaui
Menurut adat di Mingangkabau nan mamegang carano iyolah pangulu di nagari nan di sabuik niniak mamak pemangku adat, sarato manti jo dubalang. Syarak nan lazim di Minangkabau nan mamegang Kitabullah jo sunnah Rasul iyolah ulama, limbago nan tahu di halal jo haram, tahu di sunat nan jo paradhu sarato syah jo batal tampek batanyo di nagari.
Penghulu di minangkabau
Manuruik warih nan bajawek
Sarato pusako nan batolong
Ibarat kayu gadang di tangah padang
Bapucuak yo sabana bulek
Daun rimbun buahnyo labek
Batang gadang tampek basanda
Ureknyo bakeh baselo
Dahan kuek tampek bagantuang
Buah labek buliah di makan
Daunnyo rimbun tampek balinduang
Balinduang di hari kapanasan
Bataduah di hari kahujanan
Iyo dek anak kamanakan nan salingka cupak adat
Nan sapayuang sapatagak
Di bawah panji di linduang suku
Taruih manjala masuak nagari
Rumah gadang basandi batu
Sandi banamo alua adat
Tunggak banamo kasandaran
Atok ijuak dindiang baukia
Gonjong ampek bintang bakilau
Bak cando rabuang mambucuik
Timah putiah di atehnyo
Tunggak garahu lantai cindano
Salo manyalo aia perak
Di sinan limpapeh rumah nan gadang
Sumarak di dalam nagari
Hiasan di dalam kampuang
Ancang-ancang dalam nagari
Umbun puri pegangan kunci
Pusek jalo kumpalan tali
Nan di sabuik bundo kandaung
Elok nagari dek pangulu
Rancak kampuang dek nan tuo
Elok musajik dek tuanku
Rancak tapian dek nan mudo
Elok rumah tanggo dek bundo kanduang
Sasuai muluik jo hatinyo
Kaluak paku kacang balimbiang
Tampuruang lenggang lenggokkan
Di bao urang ka saruaso
Anak di pangku kamanakan di bimbiang
Urang kampuang di patenggangkan
Jago nagari jan binaso
Di dalam menjalankan tugas serta kewajibannya, seorang penghulu di bantu oleh :
1. Manti Adat yaitu :
Urang nan arif bijaksana
Nan tahu di tinggi jo randah
Runciang nan kamanyucuak
Dahan nan kamahimpok
Urang nan tahu di alamaik
Kato sampai salam kumbali
Alun takilek alah takalam
Ikan dalam aia alah jaleh jantan batinonyo
2. Dubalang Adat yaitu :
Ibarat keamanan dalam korong jo kampuang di nagari
Nan tahu di ereiang jo gendeing
Tahu di sumbang jo nan salah
Mato nyalang talingo nyariang
Manjago nagari jan binaso
Cakak kalahi nak jan ado
Sumbang salah jan tajadi
Maliang curi jan basuo
3. Alim Adat yaitu :
Suluah bendang dalam nagari
Nan tahu di halal jo haram
Nan tahu syah jo batal
Maagiah panarangan ka pengulu
Jan tasasek di jalan kalam
Jan tapanjek di lansek manih
Jan sampai takuruang di biliak dalam
Untuk itu kakoklah jabatan surang-surang, pacik karajo masiang-masiang nan bak kato pituah dalam adat :
Kato pengulu manyalasaikan
Kato manti kato hakekat
Kato dubalang kato mandareh
Tak ado kusuik nan tak salasai
Tak ado karuah nan tak janiah
Tak ado bangkalai nan tak sudah
Tak ado barek nan tak tapikua
Tasidorong jajak manurun
Tatukian jajak mandaki
Adat jo syarak kok tasusun
Bumi sanang padi manjadi
Seorang penghulu di harapkan akan selalu memelihara dan menjaga nama baiknya sebagai seorang pimpinan adat, seperti kata pepatah :
Ingek dan jago pado adat
Ingek di adat nan karusak
Jago limbago jan sumbiang
Urang ingek pantang takicuah
Urang jago pantang kamaliangan
Ingek-ingek sabalun kanai
Kok malantai sabalun lapuak
Maminteh sabalun hanyuik
Di dalam menjalankan tugas dan kewajiban, maka seorang penghulu harus berpegang serta berpedoman pada ”Ukua Jo Jangko” yaitu :
1. Nak luruih rantangi tali
Jan manyimpang kiri kanan
Condong jan kamari rabah
Luruih marantang barih adat
2. Nak haluih baso jo basi
Jan barundiang basikasek
Nan bakato bakiasan
Batutua jo lemah lembut
Nan bak santan jo tangguli
3. Nak tinggi baiakan budi
Supayo jan sampai kalangkahan
Kok tagak jan tasundak
Malenggang jan tahampeh
4. Nak elok lapangkan hati
Mancari jalan kebaikan
Nak dapek suluah nan tarang
5. Nak kokoh paham bakunci
Jan taurak bak katidiang
Kok ado rundiangan bathin
Patuik baduo jan batigo
Patuik babisiak jan badoai
Nak jan sampai di danga urang
6. Nak mulia tapati janji
Kato nan bana kadipegang
Tibo di janji tapati juo
7. Nak labo bueklah rugi
Namuah bapokok babalanjo
Marugi kito dahulu
Pokok banyak labo basarik
Lambek lamo mandapek juo
8. Nak kayo kuek mancari
Namuah bajariah basusah payah
Indak manantang jauah jo hampia
Indak mangana barek jo ringan
Patah kapak patungkek paruah
Nan indak di cari juo
9. Nak elok salendang dunia
Nak ulam pucuak manjulai
Nak aia pincuran tabik
Nak haluih kilek lah tibo
Barundiang di dalam barih
Bakato di alua patuik
Salasai rundiang di nan elok
Batanam di dalam paga
Alah tatampuah di jalannyo
Kalaulah seorang penghulu tidak bisa memahami ukua jo jangko, maka :
Bakato bak bulalai gajah
Barundiang bak katiak ula
Bicaro kapalang aka
Bailmu kapalang paham
Bapikia saba tak ado
Angan-angan panjang itikad salah
Hati busuak pikiran hariang
Bana bapantang kanan elok
Alah tasasak padang ka ngarai
Ukua sampai jangko lah sudah
Alah tibo maso hukuman
Hukum jatuah sendirinyo
Di akhirat mangkonyo tantu
Allah sendiri nan kamambagikan
Limbago jalan batampuah
Itu karajo niniak mamak
Sarugo di iman taguah
Narako di laku awak
Khatik duduak di maherab
Kaki tajuntai kaduonyo
Batamu dunia jo akhirat
Samo dipakai kaduonyo
Kok di rantang namuah panjang
Bia di kumpa naknyo singkek
Kok ado salah jo jangga nan indak di sangajo
Rilah jo maaf di pabanyak
Komentar
Posting Komentar